Mbrëmja e sotme pritet të jetë ndër më emocionueset dhe vendimtaret e këtij edicioni të Big Brother VIP Albania 5, teksa spektakli hyn në fazën e gjysmëfinales.
Pesë banorët e mbetur në garë – Miri, Brikena, Mateo, Shëndriti dhe Rogerti – përballen me një televotim vendimtar, i cili do të përcaktojë fatin e tyre në shtëpinë më të famshme në vend. Vetëm tre prej tyre do të arrijnë të sigurojnë një vend në finalen e madhe, ndërsa për dy banorë aventura do të mbyllet sonte.
Gara ka qenë e fortë dhe e mbushur me dinamika gjatë gjithë sezonit, me debate, strategji dhe momente që kanë mbajtur publikun të angazhuar deri në këtë fazë vendimtare.
Tre banorët që do të përzgjidhen nga publiku do t’i bashkohen Selinës, e cila tashmë ka siguruar një vend në finale si finalistja e parë. Në këtë mënyrë do të plotësohet katërshja finaliste që do të garojë për çmimin e madh.
Finalja e madhe është planifikuar të mbahet më 18 prill, ku edhe do të kurorëzohet fituesi i këtij edicioni, pas një prej sezoneve më të komentuar.
