Ish-presidenti bullgar Rumen Radev po parashikohet si fitues i zgjedhjeve parlamentare në Bulgaria, sipas rezultateve të exit poll-eve dhe numërimit paraprak të votave.
Sipas të dhënave të para, Radev kryeson ndjeshëm ndaj partisë konservatore GERB të drejtuar nga ish-kryeministri Boyko Borissov, duke u afruar drejt shumicës parlamentare.
Megjithatë, rezultati përfundimtar ende nuk është konfirmuar dhe procesi i numërimit vijon. Nëse ai nuk arrin shumicën e plotë, formimi i një koalicioni do të jetë i domosdoshëm, por partia e tij ka përjashtuar bashkëpunimin si me GERB ashtu edhe me Lëvizjen për të Drejta dhe Liri (DPS).
Marrëdhëniet e Radevit me disa parti të tjera kryesore, përfshirë Bullgarinë Demokratike, janë gjithashtu të tensionuara, duke kufizuar opsionet për aleanca të mundshme. Në skenarët e mbetur për koalicion përmenden Partia Socialiste Bullgare dhe formacione nacionaliste me qëndrime euroskeptike.
Gjatë karrierës së tij politike, Radev ka mbajtur qëndrime kritike ndaj politikave të Bashkimit Evropian për Ukrainën dhe ka kundërshtuar dërgimin e ndihmës ushtarake në luftë. Ai ka bërë gjithashtu deklarata që kanë ngjallur reagime ndërkombëtare, përfshirë qëndrimet e tij për Krimenë dhe raportet me Rusinë.
Zgjedhjet në Bullgari po ndiqen me vëmendje në gjithë Evropën, për shkak të ndikimit të mundshëm që mund të ketë rezultati në orientimin politik të vendit.
