Derbi i kryeqytetit mes Dinamo Tirana dhe KF Tirana është mbyllur pa fitues, me të dy skuadrat që ndanë pikët pas një barazimi 1-1 në një përballje të luftuar.
Skuadra e drejtuar nga Orges Shehi kaloi e para në avantazh në minutën e 54-të, falë golit të Myslovic, duke ndezur entuziazmin e tifozëve bardheblu. Megjithatë, reagimi i Dinamo Tirana ishte i menjëhershëm, pasi vetëm katër minuta më vonë, në minutën e 58-të, Malomo Ayodeji riktheu ekuilibrin në rezultat.
Pas këtij barazimi, ekipi i drejtuar nga Ilir Daja mban vendin e katërt në renditje me 45 pikë, ndërsa KF Tirana pozicionohet në vendin e tetë me 32 pikë, po aq sa KF Vora që renditet një vend më lart.
Në ndeshjet e tjera të Superiores, KF Elbasani arriti një fitore të rëndësishme duke përmbysur KF Teuta me rezultatin 1-2, duke konsoliduar pozitat në krye të tabelës.
Java e kampionatit vijon të dielën me sfida të tjera që pritet të ndikojnë në renditjen finale.
