Një aksident rrugor është regjistruar pasditen e sotme në Tuneli i Llogarasë, ku dy automjete janë përplasur me njëra-tjetrën, duke shkaktuar disa të plagosur dhe bllokim të përkohshëm të qarkullimit.
Sipas të dhënave paraprake, në aksident janë përfshirë një mjet tip BMW me targa angleze, i drejtuar nga një shtetas banues në Vlorë, dhe një automjet tip Volvo me drejtues nga Tirana. Si pasojë e përplasjes, disa persona kanë pësuar lëndime, por ndodhen jashtë rrezikut për jetën dhe janë transportuar në spital për ndihmë mjekësore.
Në vendngjarje kanë mbërritur menjëherë shërbimet e Policisë Rrugore, ambulancat dhe zjarrfikësit, të cilët kanë ndërhyrë për menaxhimin e situatës dhe sigurimin e zonës.
Për shkak të aksidentit, lëvizja e mjeteve në tunel u bllokua përkohësisht, ndërsa autoritetet po punojnë për normalizimin e trafikut dhe zbardhjen e plotë të rrethanave të ngjarjes.
