Një takim i nivelit të lartë mes ministrave të Jashtëm të Egjiptit, Arabisë Saudite, Turqisë dhe Pakistanit është zhvilluar në Islamabad, me fokus kryesor uljen e tensioneve në Lindjen e Mesme dhe forcimin e bashkëpunimit rajonal.
Bisedimet u përqendruan te përshkallëzimi i konfliktit mes SHBA-së, Izraelit dhe Iranit, si dhe te mundësitë për të shmangur një krizë më të thellë në rajon.
Pas takimit, kryeministri i Pakistanit, Shehbaz Sharif, zhvilloi një takim të veçantë me ministrin e Jashtëm të Arabisë Saudite, Princin Faisal bin Farhan Al Saud, ndërsa në diskutime morën pjesë edhe zyrtarë të lartë të sigurisë, përfshirë ministrin e Jashtëm Mohammad Ishaq Dar dhe drejtues të inteligjencës pakistaneze.
Autoritetet njoftojnë se një deklaratë e përbashkët pritet të publikohet së shpejti, ndërsa ky takim shihet si një përpjekje e koordinuar për të frenuar përshkallëzimin e konfliktit dhe për të stabilizuar rajonin.
