Tensionet mes Irani dhe Shtetet e Bashkuara vijojnë të rriten, pasi një zyrtar iranian ka hedhur poshtë propozimin 15-pikësh të paraqitur nga presidenti amerikan Donald Trump, duke e cilësuar atë si “të tepruar”.
Sipas tij, Teherani nuk do të lejojë që Uashingtoni të diktojë kushtet apo kohën e përfundimit të konfliktit. “Irani do të vendosë vetë kur dhe si do të përfundojë lufta, vetëm nëse plotësohen kushtet tona”, u shpreh ai.
Zyrtari bëri të ditur se përmes ndërmjetësve, Irani i ka paraqitur SHBA-së një sërë kërkesash të qarta për ndalimin e konfliktit. Këto përfshijnë ndalimin e sulmeve dhe atentateve, garanci konkrete sigurie për të mos u sulmuar më në të ardhmen, si dhe kompensimin e dëmeve të shkaktuara nga lufta.
Po ashtu, Teherani kërkon përfundimin e plotë të luftimeve në të gjitha frontet rajonale dhe njohje ndërkombëtare të rolit dhe autoritetit të tij, përfshirë edhe mbi Ngushtica e Hormuzit.
Reagimi vjen pasi u raportua se Irani kishte marrë zyrtarisht planin amerikan për armëpushim, ndërsa vetë Trump kishte deklaruar më herët se negociatat ishin në zhvillim dhe se pala iraniane ishte e gatshme për marrëveshje.
Megjithatë, zyrtarët iranianë kanë mohuar vazhdimisht ekzistencën e negociatave direkte, duke ironizuar se “SHBA po negocion me vetveten”.
