Scott Bessent, Sekretari i Thesarit të Shtetet e Bashkuara, deklaroi se vendi ka kapacitet financiar të mjaftueshëm për të mbështetur një konflikt të mundshëm me Iranin, edhe pse administrata po përgatit kërkesa shtesë për fonde nga Kongresi.
Në një intervistë për Meet the Press në NBC, ai u shpreh i prerë:
“Ne kemi mjaftueshëm para për ta financuar këtë luftë. Këto janë fonde shtesë.”
Bessent theksoi se Donald Trump ka investuar në forcimin e ushtrisë amerikane si gjatë mandatit të parë, ashtu edhe në të dytin, duke synuar që ajo të mbetet e pajisur dhe e gatshme për çdo skenar.
Ai përjashtoi kategorikisht mundësinë e rritjes së taksave për të mbuluar kostot e konfliktit.
Megjithatë, kërkesa e ushtrisë amerikane për rreth 200 miliardë dollarë fonde shtesë po has rezistencë në Kongres, ku si demokratë ashtu edhe disa republikanë po vënë në pikëpyetje nevojën për një shumë kaq të lartë, sidomos pas rritjes së fundit të buxhetit të mbrojtjes.
Debati mbi financimin e luftës pritet të intensifikohet në ditët në vijim, duke reflektuar ndarjet politike në Uashington mbi strategjinë ndaj Iranit.
