Ka nisur seanca gjyqësore ndaj Erion Veliaj dhe të pandehurve të tjerë, në një proces që po ndiqet me vëmendje të lartë publike.
Në këtë seancë, SPAK përfaqësohet nga dy prokurorët e posaçëm, Altin Dumani dhe Olsi Dado.
Ndryshe nga sa pritej, Veliaj nuk është paraqitur personalisht në sallën e gjyqit. Ai ka zgjedhur të përfaqësohet nga avokati i tij, Plarent Ndreca, duke deklaruar se nuk dëshiron të jetë i pranishëm në seancë.
Përveç Ndrecës, në mbrojtje të tij është angazhuar edhe avokatja Valentina Todoresku, e cila merr pjesë në proces si mbrojtëse e caktuar.
Seanca pritet të vijojë me shqyrtimin e çështjes dhe paraqitjen e qëndrimeve nga palët, në një proces që mbetet në fokus të drejtësisë dhe opinionit publik.
