Shtëpia e Bardhë ka hedhur poshtë një propozim të miliarderit Elon Musk, i cili kishte ofruar të mbulonte pagat e punonjësve të Administratës së Sigurisë së Transportit (TSA) gjatë mbylljes së pjesshme të qeverisë.
Sipas raportimit të CBS News, zyrtarët e Shtëpia e Bardhë e shqyrtuan këtë mundësi, por vendosën ta refuzojnë, duke argumentuar se situata e bllokimit financiar pritet të zgjidhet së shpejti.
Një tjetër arsye e rëndësishme për këtë vendim ishin edhe shqetësimet ligjore, pasi përfshirja e një individi privat në financimin e pagave federale mund të krijojë probleme për shkak të kontratave ekzistuese që Musk ka me qeverinë amerikane.
Më herët, Musk kishte deklaruar se ishte i gatshëm të paguante pagat e stafit të TSA-së, duke theksuar se ngërçi financiar po ndikon negativisht në jetën e qytetarëve dhe funksionimin e aeroporteve.
Aktualisht, punonjësit e TSA-së vijojnë të punojnë pa pagesë të plotë, për shkak të mungesës së një marrëveshjeje në Kongresi i Shteteve të Bashkuara për financimin e Departamenti i Sigurisë Kombëtare. Kjo situatë ka shkaktuar ndërprerje në funksionimin e disa agjencive dhe ka detyruar autoritetet të marrin masa emergjente në aeroporte.
