Rikthimi i Gjestit në muzikë nuk erdhi me zhurmë showbiz-i, por me dhimbje të pastër dhe ndjenjë të papërpunuar.
Rap-artisti nga Peja publikoi këngën e re “Memories”, një projekt që është më shumë se muzikë – është një rrëfim i hapur për humbjen e vëllait të tij, i cili ndërroi jetë në shtator pas një aksidenti me motoçikletë. Kënga vjen si një dedikim i drejtpërdrejtë për të, dhe kjo e ka bërë projektin të godasë fort emocionalisht.
Publiku reagoi menjëherë.
Mbi 2.5 milionë klikime në vetëm tre ditë – një shifër që e kthen këtë këngë në një nga publikimet më të forta të momentit.
Teksti është i mbushur me ndjenjë faji, mall dhe boshllëk. Në një pjesë, Gjesti shpreh se ndihet fajtor që nuk mundi ta mbronte, një fjali që ka prekur thellë fansat dhe është shpërndarë masivisht në rrjete sociale.
Edhe pamja e tij flet po aq sa vargjet. Gjesti shfaqet i zbehtë, i rënduar emocionalisht, larg energjisë që publiku ishte mësuar të shihte. Është një version më i heshtur, më i thyer – por edhe më i vërtetë.
Eldioni, për të cilin këndohet, nuk ishte vetëm vëlla, por edhe shoku më i afërt i artistit – një figurë që publiku e kujton edhe nga surpriza prekëse që i bëri Gjestit në Big Brother VIP Albania.
“Memories” nuk është thjesht një këngë që dëgjohet.
Është një këngë që ndjehet
