Një qytetar ka humbur ndjenjat gjatë përplasjeve mes protestuesve dhe forcave të policisë, pasi në zonë u përdor gaz lotsjellës për shpërndarjen e turmës.
Incidenti ndodhi pasi situata u tensionua dhe pati përplasje fizike mes protestuesve dhe efektivëve. Policia hodhi gaz lotsjellës në përpjekje për të shpërndarë turmën dhe për të vendosur kontrollin.
Gjatë marshimit nga zona e Kryeministrisë drejt godinës së Policisë së Shtetit, disa protestues hodhën molotovë në drejtim të koshave të mbeturinave, të cilat më pas u përfshinë nga flakët.
Ndërkohë, në terren janë parë ekipe mjekësore që i kanë ardhur në ndihmë qytetarit të prekur, ndërsa situata mbetet e tensionuar.
