Një aeroplan ushtarak është rrëzuar sot në Korenë e Jugut, duke shkaktuar të paktën 2 viktima. Aksidenti ndodhi gjatë një fluturimi stërvitor, ndërsa autoritetet ushtarake po hetojnë shkaqet e rrëzimit.
Sipas dëshmitarëve dhe zyrtarëve lokalë, dy anëtarë të ekuipazhit kanë humbur jetën në vendngjarje, ndërkohë që forcat e emergjencës janë nisur drejt zonës për të vlerësuar situatën dhe për të kërkuar persona të tjerë të përfshirë në incident.
Nuk janë dhënë ende detaje të tjera zyrtare mbi identitetin e viktimave apo gjendjen e trupave të urgjencës, ndërsa hetimet për rrëzimin e aeroplanit vazhdojnë.
