Një cisternë me flamur të Palaut, e identifikuar si “ELBUS” dhe e lidhur me flotën “në hije” të Rusisë, është goditur nga një sulm me dron ukrainas në ujërat e Detit të Zi, rreth 30 milje nga brigjet e Kastamonusë në Turqi, raportojnë mediat turke.
ELBUS ishte nisur drejt portit rus të Novorossiysk për të ngarkuar naftë, ndërkohë që sulmi ka shkaktuar dëme të konsiderueshme në pjesën e sipërme të anijes. Aktualisht, ajo po tërhiqet drejt portit turk të Inebolit për riparime.
Cisterna dyshohet se është pjesë e flotës së errët të Rusisë, e përdorur për të anashkaluar sanksionet ndërkombëtare dhe për të mbajtur gjallë eksportin e naftës.
Megjithatë, nuk raportohet për viktima apo të zhdukur, dhe situata në bord konsiderohet nën kontroll.
