Kryeministri kroat Andrej Plenković paralajmëroi në Forumin Strategjik të Bledit për “realitetin e ashpër politik” të Ballkanit Perëndimor, duke theksuar se Serbia është në prag të luftës civile.
“Serbia është në prag të luftës civile”, tha kryeministri Andrej Plenković në një diskutim në panel me kryeministrat e Sllovenisë, Shqipërisë dhe Malit të Zi. Tema ishte zgjerimi i mëtejshëm i Bashkimit Evropian.
“Keni Maqedoninë e Veriut, e cila është e bllokuar. Keni Serbinë, me më shumë se dy vjet trazirash dhe demonstratash të brendshme më të mëdha, më të forta dhe më serioze, në prag të luftës civile”, filloi të rendiste kryeministri kroat.
“Keni Bosnjën dhe Hercegovinën, me Dodikun i cili e ka zvarritur ndarjen ose jo ndarjen për vite me radhë, dhe bum, ai është jashtë. Keni Banjskën, e cila u miratua në vitin 2023 pa ndonjë vërejtje apo artikulim serioz nga askush në BE, ne bëjmë sikur nuk ndodhi. Ky është realiteti”, tha ai.
Kryeministri kroat pohoi se ai është pro zgjerimit të Bashkimit Europian me vendet e Ballkanit Perëndimor, por më parë vendet tona, sipas Andrej Plenković, duhet të stabilizohen politikisht.
“Duhet të jemi vërtet të matur në lidhje me zgjerimin dhe kontekstin global në ndryshim. Unë jam në favor të zgjerimit, mendoj se të gjithë po përpiqen të bashkohen, por ata duhet të stabilizohen politikisht”, deklaroi ai.
