Policët e imigracionit filluan të godasin shpërndarësit e porosive, një pjesë e konsiderueshme e të cilëve janë emigrantë pa leje qëndrimi në Mbretërinë e Bashkuar.
Një pjesë azilkërkues punonin në të “zezë” për “Just Eat”, një prej kompanive të shpërndarjes së ushqimeve, ndërsa policia sekuestroi telefona dhe biçikleta
Operacioni zgjati disa orë dhe çoi në një numër arrestimesh për punë të paligjshme dhe shkelje të kushteve të lirimit me kusht.
Një prej shpërndarësve, të cilit një oficer ia sekuestroi celularin, mohoi të kishte punuar për një firmë ushqimore përpara se të binte telefoni, dhe oficeri e pyeti: “Pse po të telefonon Deliveroo tani?”
Shefat e firmës, Just Eat dhe Uber Eats, u shoqëruan mbrëmë në Ministrinë e Brendshme për t’u ndëshkuar. Ata tani janë zotuar t’i nxjerrin jashtë rradhëve të tyre të punësuarit e paligjshëm.
Sekretarja e Brendshme Yvette Cooper u zotua të shtojë kontrollet. Gjigantëve të ushqimit iu lexua akti i trazirave pikërisht në momentin kur Zyrat e Imigracionit bënë bastisjen e parë jashtë hotelit Thistle City Barbican në Londër.
Më shumë se 20 policë me jelekë dolën nga makinat pa targa për t’u hedhur mbi migrantët ndërsa ata ktheheshin nga turni.
Oficerët u përballën me të paktën dhjetë burra, dy prej të cilëve u panë me çanta ushqimore me markën e shpërndarjes në biçikleta.
