Reali i Madridit po përgatitet për ndeshjen e 1/8 e finaleve të Kupës së Botës për Klube. Pasi u përball me Al-Hilalin, Paçukën dhe Salcburg ekipe të njohura, por disi të vogla në historinë e Madridit – këtë herë ata do të përballen me një rival të denjë: kundër Juventusit.
Një ndeshje që do të ngjallë kujtime për tifozët e të dyja skuadrave. Nuk do të jetë në Ligën e Kampionëve, fushëbeteja e tyre e zakonshme. Por do të jetë në një territor të njohur, Shtetet e Bashkuara, ku janë zhvilluar tri ndeshjet e tyre të fundit, të gjitha miqësore. Kjo do të jetë ndeshja e tyre e parë zyrtare në tokën amerikane dhe në një garë tjetër përveç Kupës së Evropës. Është gjithashtu ndeshja e vetme midis ekipeve evropiane në këtë raund të 1/8 e finaleve. Pa dyshim, konteksti dhe rivaliteti i shtojnë pritjet. Sa i përket historisë, Reali i Madridit dhe skuadra italiane janë përballur me njëritjetrin në 21 ndeshje zyrtare, të gjitha në Ligën e Kampionëve, duke i bërë ata kundërshtarët e dytë të huaj me më shumë ndeshje për ekipin “Chamartín”, pas Bajernit të Mynihut me 28 përballje. Statistikat e përballjeve kokë më kokë përfshijnë ndeshje të profilit të lartë nga fazat e ndryshme të Kupave të Evropës.
RIVALITET ME GJASHTË DEKADA HISTORI – Takimi i tyre i parë ishte në Kupën e Kampioneve të Evropës 1961-‘62. Të dyja ekipet u takuan në çerekfinale. Në ndeshjen e parë në Torino, Di Stéfano i lejoi tifozët e Realit të Madridit të festonin dhe u rikthye në Spanjë me një fitore të ngushtë 1-0. Në ndeshjen e kthimit në Chamartín, Sívori detyroi një ndeshje play-off, e cila u vendos në Paris (3-1) me golat e Felo, Del Sol dhe Tejada. Sívori shënoi përsëri për bardhezinjtë. Madridi luftoi gjatë gjithë garës për të arritur në finale, ku u mund 5-3 nga Benfika. Ishte e para nga shumë të tjera. Me dy kulme. Reali i Madridit i ka fituar të dyja finalet e Ligës së Kampionëve kundër Juventusit. E para, në vitin 1998, e pa Real Madridin të fitonte 1-0 falë një goli të Mijatoviç, duke siguruar titullin e shtatë pas një pritjeje 32-vjeçare. Dhe në vitin 2017, finalja e fundit mes tyre, me Realin që arriti një fitore 4-1 në Kardif, në një natë që do të mbetet në histori me golat e Kristiano Ronaldos (i cili shënoi dy gola), Kasemiros dhe Asensios.
SHTETET E BASHKUARA: NGA MIQËSORET NË KUPËN E BOTËS PËR KLUBE – Ky do të jetë takimi i parë zyrtar midis të dyjave në Shtetet e Bashkuara, megjithëse nuk është hera e parë që ata përballen me njëri-tjetrin në vendin e yjeve dhe vijave. Ata kanë luajtur tri miqësore atje: 2018, 2022 dhe 2023. Madridi fitoi dy të parat në Meriland dhe Pasadena. Në të fundit, të luajtur në Orlando, triumfuan italianët. Ky do të jetë dueli i tyre i parë zyrtar jashtë Evropës. Një mjedis i ndryshëm, por me prestigjin gjithmonë në lojë. Ky është një duel që është përsëritur me kalimin e kohës, me të dyja klubet në qendër të momenteve të lavdishme në histori. Por Madridi dëshiron fitoren; është një kapitull i ri në përpjekjen e tyre për një titull tjetër. Një klasike europiane në një dimension tjetër.
RRUGËTIMI – Reali vjen në këtë ndeshje si kryesues i Grupit H, pasi barazoi 1-1 me Al Hilal, por fitoi ndaj Paçukës (3-1) dhe Salzburg (0-3). Të besuarit e Ksabi Alonsos kanë treguar përmirësim në lojën e tyre, duke u bërë më të fortë dhe më të saktë në sulm, por ata ende po vuajnë. Dhe në këtë ndeshje kundër Juventusit, niveli i lojës së klubit do të jetë në pah. Nga ana tjetër, Juventusi vjen nga vendi i dytë në Grupin G, me dy fitore – një total i kombinuar prej nëntë golash kundër AlAin (0-5) dhe Vidad (4-1) – por pësoi një humbje të rëndë kundër Mançester Sitit 2-5 në ndeshjen e fundit të grupit. Italianët, të udhëhequr nga Igor Tudor, kanë shfaqur lojë të shkëlqyer sulmuese. Kjo është një provë e re për projektin që po nis trajneri i Realit.
