Presidenti ukrainas Volodymyr Zelensky ka nisur nje takim me presidentin amerikan Donald Trump në Samitin e NATO-s në Hagë, ku udhëheqësit mbështetën një rritje të madhe të shpenzimeve të mbrojtjes.
Udhëheqësit e mbledhur në Hagë për një samit të NATO-s të krijuar posaçërisht për Presidentin e SHBA-së, miratuan një objektiv më të lartë të shpenzimeve të mbrojtjes prej 5% të PBB-së deri në vitin 2035, një përgjigje ndaj një kërkese nga Trump.
Zelensky dhe ndihmësit e tij kanë thënë më herët se duan të flasin me Trump për blerjen e armëve amerikane, duke përfshirë sistemet e mbrojtjes raketore Patriot dhe rritjen e presionit ndaj Moskës përmes sanksioneve më të ashpra.
Komunikata e lëshuar të mërkurën i referohet unitetit të NATO-s “përballë kërcënimeve dhe sfidave të thella të sigurisë, në veçanti kërcënimit afatgjatë që paraqet Rusia për sigurinë euroatlantike” dhe riafirmon mbështetjen për Ukrainën, por nuk e dënon në mënyrë të qartë pushtimin rus.
