Biznesmeni dhe ish-zyrtari, Ervis Agasi ka reaguar ekskluzivisht për CNA, pas kontrolleve të ushtruara në një nga aktivitetet e tij, me urdhër të SPAK.
Urdhri u dha nga prokurori i Prokurorisë së Posaçme, Bledar Maksuti.
Në prononcimin për CNA, Agasi theksoi se është i hapur për çdo lloj hetimi.
“E kam thënë që në krye të herës. Jam i hapur për çdo lloj hetimi dhe vihem në dispozicion të organeve të drejtësisë. Sot është ushtruar kontroll në një nga aktivitetet e mia, të blera pak kohë më parë, që është përfshirë në një hetim penal nga SPAK. Siç e theksova, jam i hapur për çdo lloj hetimi”,-reagoi Agasi.
Agasi dha këtë prononcim për CNA, pas interesimit në lidhje me kontrollet e kryera nga SPAK dhe lajmet e përhapura në media në lidhje më këto kontolle, por edhe një tufë thashethemesh për urdhër-arreste, ndalime, e të tjera./CNA
