Bajerni është gati për ndeshjen e 1/8-ave të finaleve në Kupën e Botës për Klube kundër Flamengos. Musiala është rikthyer dhe duhet të bëjë diferencën kundër mbrojtjes kompakte të brazilianëve.
Lajmi i mirë erdhi të enjten në mëngjes: të gjithë lojtarët e Bajernit ishin në formë dhe gati për të luajtur, ndërsa filluan përgatitjet për ndeshjen e 1/8-ave kundër Flamengos së Rio de Zhaneiros (e diel, ora 22:00).
Vetëm Minjae Kim nuk është një opsion serioz për shkak të problemeve me tendinën e Akilit. Përndryshe, trajneri Vinsent Kompani mund të tërheqë skuadrën e tij të plotë për ndeshjen e parë eliminatore. Tani nuk ka më shaka. Nëse në grupe mund t’i lejosh vetes ndonjë rrëshqitje, tani një gabim dhe je në shtëpi. Dhe Kompani shpreson që skuadra e tij ka ketë mbaruar me gabimet me ndeshjen kundër Benfikës. Kundër brazilianëve luftarakë, trajneri belg ka një as nën dorë që mezi ka arritur ta shfrytëzojë në muajt e fundit. Jamal Musiala, 22-vjeçari është rikuperuar nga dëmtimi muskulor. Pasi pushoi kundër Benfikës, ai tani më në fund dëshiron të hyjë në turne siç duhet dhe në fakt duhej të luante në ndeshjen e fundit të grupit. “Në fakt ishte planifikuar që ai të vinte”, shpjegoi Kristof Frojnd pas humbjes kundër Benfikës në lidhje me një Musiala të mundshëm si titullar. “Për shkak të të gjitha zëvendësimeve, nuk ishte më e mundur. Ecuria e lojës nuk e lejonte, por ai do të kishte qenë gati për të luajtur”.
Kjo i lejoi Musialës të pushonte për 90 minuta dhe, pas zëvendësimit të tij paraprak kundër Boka Xhuniors, ai është plotësisht i rikthyer në formë – dhe gati për të sulmuar. Në fund të fundit, të dyja ekipet e tij u eliminuan gjatë pushimit disajavor të Musialës për shkak të dëmtimeve midis prillit dhe qershorit: Bajerni nga Liga e Kampioneve dhe Gjermania nga “Final Four” i Ligës së Kombeve. Kjo nuk duhet të ndodhë përsëri në Kupën e Botës për Klube dhe lojtari sulmues do të jetë çelësi kundër Flamengos. Musiala shënoi tre gola pasi hyri si zëvendësues kundër ekipit amator Okland Siti, por mungesa e tij ishte shumë e madhe kundër Benfikës.
