Cristiano Ronaldo po i afrohet gjithnjë e më shumë shifrës së 1000 golave në karrierë.
Ylli portugez ishte vendimtar të shtunën mbrëma duke i realizuar dy gola në fitoren e Al-Nasrit me rezultatin 2-1 ndaj Al Rijadhin.
Tashmë CR7 ka 933 gola në karrierë. Faiz Selemani i kaloi në epërsi mysafirët në minutën e dytë shtesë të pjesës së parë.
Fillimisht 40-vjeçari Ronaldo i barazoi shifrat në minutën e 56-të. Tetë minuta më pas, portugezi, e realizoi golin e fitores 2-1. Al-Nassri ka 57 pikë dhe renditet në vendin e tretë, ndërsa Al-Rijadhi e zë vendin e nëntë me 34 pikë.
