Sekretari i përgjithshëm i NATO-s, Mark Rutte, nuk ka dashur të komentojë këtë të mërkurë marrëveshjen për mbrojtje Kosovë-Shqipëri-Kroaci, si dhe atë midis Serbisë dhe Hungarisë.
Në një konferencë për media gjatë takimit të ministrave të Jashtëm të NATO-s, ai tha se vendet anëtare të Aleancës Veri-Atlantike janë të përkushtuara sa i përket stabilitetit dhe prezencës së tyre në rajon, përfshirë Kosovën dhe BeH.
Rutte ka thënë që situata e sigurisë në Kosovë është shumë e rëndësishme dhe se serbët duhet të punojnë për llogaridhënie për sulmin terrorist në Banjska.
“Serbët duhet të punojnë për të mbajtur përgjegjësi. Kjo ishte tema e diskutimit tonë me presidentin e Serbisë Aleksandër Vuçiç në telefon, si dhe gjatë darkës që kishim në Bruksel dy javë më parë”, ka thënë Rutte.
