Kombëtarja e Gjermanisë pritet të publikojë zyrtarisht të enjten listën për Kupa e Botës FIFA 2026, por emrat kanë rrjedhur paraprakisht në mediat gjermane.
Vendimi më i bujshëm është rikthimi i portierit veteran Manuel Neuer, i cili kishte mbyllur karrierën ndërkombëtare pas Euro 2024. Trajneri Julian Nagelsmann besohet se e ka zgjedhur sërish si portier të parë për turneun.
Në listë bie në sy edhe talenti i ri i Bayern Munich, Lennart Karl, si dhe sulmuesi i FC Köln, Said El Mala, me 13 gola të shënuar në një sezon mbresëlënës në Bundesliga.
Mes yjeve të konfirmuar pritet të jenë edhe Jamal Musiala, Florian Wirtz dhe Joshua Kimmich, ndërsa mungesa më e rëndësishme duket se do të jetë ajo e Niclas Füllkrug.
