Grupi i punës në Partinë Demokratike nuk ka pranuar dosjen e kandidimit të Ervin Salianji për garën për kryetar të partisë.
Përfaqësuesi i Salianjit është paraqitur në selinë e PD-së për të dorëzuar dokumentacionin, por ai nuk është marrë në dorëzim nga strukturat përkatëse. Dokumentet janë lënë në recepsion, ndërsa është bërë e ditur se dosja do të ridërgohet përmes shërbimit postar.
Në platformën e tij, Salianji thekson nevojën për rikthimin e Partia Demokratike tek vlerat themeluese. Ai vlerëson rolin e Sali Berisha si lider historik të partisë, por njëkohësisht kërkon që ky i fundit të tërhiqet, duke argumentuar se nevojitet një proces i ri për ringritjen dhe bashkimin e opozitës.
Sipas tij, drejtimi aktual nuk arrin të mobilizojë mbështetësit dhe pengon bashkimin e forcave opozitare.
Ndërkohë, të njëjtin qëndrim nga grupi i punës kanë marrë edhe kandidaturat e Evi Kokalarit dhe Alesia Balliut, dosjet e të cilave gjithashtu nuk janë pranuar.
Përfaqësuesit e tyre kanë ndjekur të njëjtën procedurë, duke lënë dokumentet në recepsion dhe duke paralajmëruar dorëzimin e tyre përmes formave alternative, përfshirë postën dhe rrugët elektronike.
Procesi i kandidimeve për drejtimin e Partisë Demokratike vijon të shoqërohet me paqartësi dhe tensione, ndërsa mbetet për t’u parë nëse këto kandidatura do të shqyrtohen apo jo në vijim.
