Presidenti i SHBA, Donald Trump, ka ashpërsuar sërish retorikën ndaj Iranit përmes një postimi në rrjetet sociale, ku i kërkon Teheranit të ndërmarrë masa dhe e akuzon se nuk është i gatshëm të arrijë një marrëveshje jo-bërthamore.
Postimi u shoqërua me një imazh të krijuar me inteligjencë artificiale, ku Trump shfaqet i armatosur dhe i rrethuar nga shpërthime, duke përforcuar mesazhin e tij të ashpër. Në mbishkrim ai deklaron: “Nuk jam më ‘z. djali i mirë’”.
Edhe pse nuk sqaroi drejtpërdrejt deklaratën, ajo lidhet me përpjekjet e vazhdueshme të administratës amerikane për të detyruar Iranin të heqë dorë nga rezervat e uraniumit të pasuruar dhe të pranojë një marrëveshje të re.
Kjo nuk është hera e parë që Donald Trump përdor këtë ton. Më herët, ai ka paralajmëruar se SHBA mund të ndërmarrë veprime të ashpra ndaj infrastrukturës iraniane nëse nuk arrihet një marrëveshje.
Deklarata e fundit pritet të rrisë tensionet mes Uashingtonit dhe Iran, në një moment kur negociatat mbeten të pasigurta.
