Presidentja e Komisionit Evropian Ursula von der Leyen ka reaguar pas të shtënave gjatë darkës së Shoqatës së Korrespondentëve të Shtëpisë së Bardhë në Uashington.
Në një deklaratë publike, ajo u shpreh e lehtësuar që Presidenti amerikan Donald Trump, Zonja e Parë Melania Trump dhe të gjithë pjesëmarrësit janë të sigurt pas incidentit.
Von der Leyen theksoi se dhuna nuk ka vend në politikë dhe vlerësoi ndërhyrjen e shpejtë të forcave të sigurisë për garantimin e sigurisë së të pranishmëve.
Ngjarja ndodhi në hotelin Washington Hilton, ku të shtëna me armë shkaktuan panik mes të ftuarve. Autoritetet evakuuan sallën dhe arrestuan personin e dyshuar.
