Bordi i Transparencës ka vendosur një tjetër rritje të çmimeve të karburanteve, duke reflektuar trendin e zakonshëm të fundjavës në tregun vendas.
Sipas vendimit të fundit, çmimi i naftës është rritur me 4 lekë për litër, duke arritur në 206 lekë/litër nga 202 lekë që ishte më parë. Ndërkohë, benzina është shtrenjtuar me 5 lekë, duke u tregtuar tashmë me 181 lekë/litër nga 176 lekë/litër.
Vendimi hyn në fuqi më 26 prill në orën 14:00 dhe do të mbetet në fuqi deri në mbledhjen e ardhshme të bordit, ku do të bëhet një rivlerësim i situatës së çmimeve.
Për tregun me shumicë, nafta do të shitet deri në 194 lekë/litër, ndërsa benzina deri në 169 lekë/litër.
Autoritetet kanë paralajmëruar operatorët e tregtimit të karburanteve për zbatim të detyrueshëm të këtyre çmimeve, duke theksuar se çdo shkelje do të shoqërohet me masa ndëshkuese, deri në pezullim aktiviteti.
Sipas institucioneve përgjegjëse, përfshirë Ministria e Ekonomisë dhe Inovacionit, Ministria e Financave dhe Ministria e Infrastrukturës dhe Energjisë, këto masa synojnë mbrojtjen e konsumatorëve dhe garantimin e konkurrencës së ndershme në treg.
