Bayern Munich po përgatitet të hyjë seriozisht në garë për sulmuesin e Newcastle United, Anthony Gordon, duke synuar një transferim të bujshëm gjatë merkatos së verës.
Lojtari 25-vjeçar është i hapur për një aventurë të re larg “St James’ Park”, sidomos nëse Newcastle nuk arrin të sigurojë pjesëmarrjen në kompeticionet europiane. Përveç tij, edhe emra si Sandro Tonali, Bruno Guimarães dhe Tino Livramento përfliten si të kërkuar në treg.
Sipas raportimeve të The Telegraph, interes për Gordon kanë shfaqur edhe Arsenal dhe rikthimi në garë i Liverpool nuk përjashtohet, duke qenë se klubi kishte tentuar ta transferonte më parë.
Vetë lojtari dëshiron që e ardhmja e tij të sqarohet përpara zhvillimit të Kupa e Botës 2026, ndërsa drejtuesit e Newcastle nuk kanë ndërmend ta lënë të largohet lehtë, duke vendosur një çmim mbi 80 milionë paund.
Nga ana tjetër, Arsenal konsiderohet aktualisht favorit, me një ofertë fillestare rreth 75 milionë paundësh. Ndërkohë, oferta e mundshme e Bayernit, e vlerësuar mes 55 dhe 60 milionë paund, pritet të mos mjaftojë për të bindur klubin anglez.
