Kombëtarja shqiptare e futbollit e ka mbyllur në avantazh pjesën e parë të sfidës ndaj Polonisë, në stadiumin “PGE Narodowy” në Varshavë, në kuadër të gjysmëfinales së “play-off”-it për Botërorin 2026.
Golin vendimtar të 45 minutave të para e realizoi Arbër Hoxha, duke i dhënë epërsinë kuqezinjve në një ndeshje historike për Shqipërinë, që merr pjesë për herë të parë në këtë fazë të kompeticionit.
Skuadra shqiptare ka treguar disiplinë dhe vendosmëri në fushë, duke përfituar nga momenti për të kaluar në avantazh ndaj një kundërshtari të fortë si Polonia.
Pjesa e dytë pritet të jetë vendimtare për fatin e këtij dueli, me Shqipërinë që synon të ruajë epërsinë dhe të bëjë një hap të madh drejt finales së “play-off”-it. ⚽🔥
