Irani ka reaguar ashpër ndaj Bashkimit Evropian, duke e akuzuar se ka mbajtur një qëndrim që, sipas Teheranit, ka lehtësuar sulmet e SHBA-së dhe Izraelit ndaj vendit.
Zëdhënësi i Ministrisë së Jashtme të Iranit, Esmaeil Baghaei, deklaroi se reagimi i vendeve europiane ndaj luftës përbën një formë mbështetjeje për operacionet ushtarake kundër Iranit.
Në një postim në rrjetin social X, ai u shpreh se qëndrimi i BE-së përballë konfliktit është i papranueshëm.
“Indiferenca dhe pranimi i heshtur i Bashkimit Evropian përballë agresionit, brutalitetit dhe mizorive të SHBA-së dhe Izraelit nuk përbën asgjë më pak se bashkëfajësi,” shkroi Baghaei.
Deklarata vjen në një moment kur tensionet në Lindjen e Mesme janë rritur ndjeshëm pas përshkallëzimit të konfliktit dhe shkëmbimeve të sulmeve në rajon.
