Kreu i Partia Demokratike e Shqipërisë, Sali Berisha, ka reaguar përmes një videomesazhi ndaj deklaratave të bëra nga kryeministri Edi Rama, duke e akuzuar këtë të fundit se ndodhet “në rrethin e kuq” dhe se përdori “çdo lloj argumenti absurd” në mbrojtje të AKSHI-t.
Në deklaratën e tij, Berisha tha se Rama bëri avokatinë e institucionit dhe sulmoi organet e drejtësisë për veprimet e ndërmarra. Ai ironizoi argumentet e përdorura nga kryeministri, duke i cilësuar si përpjekje për të shmangur përgjegjësinë dhe për të relativizuar çështjet e korrupsionit.
Megjithatë, deklarata e Berishës vjen në një kontekst ku vetë ai është shpallur “non grata” nga Shtetet e Bashkuara të Amerikës dhe Mbretëria e Bashkuar, nën akuza për korrupsion dhe minimin e demokracisë, një fakt që i jep një dimension ironik përdorimit të shprehjes “rreth i kuq” në adresë të kundërshtarëve politikë.
Debati mes dy liderëve vjen në një klimë të tensionuar politike, ku akuzat për korrupsion dhe raportet me drejtësinë mbeten në qendër të përplasjes mes mazhorancës dhe opozitës.
kliko për video-prononcimin:👉 https://www.facebook.com/watch/SaliBerisha/?ref=embed_video
