Presidenti i Ukrainës Volodymyr Zelenskyy deklaroi se qytetarët ukrainas nuk do të pranojnë një marrëveshje paqeje që parashikon tërheqjen e njëanshme të forcave nga Donbasi dhe dorëzimin e rajonit Rusisë. Komentet u bënë gjatë një interviste për Axios, teksa në Gjenevë po zhvilloheshin negociata të reja mes palëve.
Sipas tij, çështja kryesore e përplasjes në bisedime mbetet kontrolli mbi Donbasin, një pjesë e të cilit vazhdon të mbahet nga forcat ukrainase. Zelensky theksoi se çdo marrëveshje që do të perceptohej si kapitullim do të ishte e papranueshme për shoqërinë ukrainase.
Ai shtoi se ndërmjetësit amerikanë i kanë përcjellë se Rusia kërkon fundin e luftës, por vetë mbetet skeptik për qëllimet e Moskës dhe paralajmëroi kundër imponimit të një “paqeje të dështuar”.
Presidenti ukrainas kritikoi gjithashtu deklaratat e Donald Trump, i cili i ka bërë thirrje Ukrainës të bëjë lëshime, duke theksuar se paqja nuk mund të arrihet duke i dhënë fitore Vladimir Putin. Ai shtoi se respekton përpjekjet amerikane për ndërmjetësim, por nuk do të përkulet nën presion.
