Shtetet e Bashkuara presin që Irani të paraqesë propozime të detajuara për të ngushtuar dallimet mbi programin e tij bërthamor, pas raundit të fundit të negociatave të zhvilluara në Gjenevë.
Një zyrtar amerikan bëri të ditur se në takimet e fundit është shënuar progres, megjithëse mbeten ende shumë çështje të hapura për diskutim.
Sipas tij, delegacioni iranian është zotuar se brenda dy javësh do të rikthehet me ide konkrete për të kapërcyer hendekun mes qëndrimeve të dy palëve.
Uashingtoni e konsideron këtë një hap pozitiv drejt një marrëveshjeje të re, por thekson se negociatat janë ende në një fazë delikate dhe kërkojnë punë të mëtejshme diplomatike.
