Këta janë emrat e parë, ndërsa pjesa tjetër e kastit pritet të zbulohet të martën në Prime
Pas pritjes dhe spekulimeve, lista e banorëve zyrtarë të edicionit të pestë të Big Brother VIP Albania është bërë publike, duke sjellë një përzierje figurash të njohura nga muzika, skena, televizioni dhe jeta publike.
Mes emrave që u bënë pjesë është Miri nga grupi West Side Family, i cili rikthehet në vëmendje me një hap të ri televiziv. Po ashtu, pjesë e shtëpisë është edhe Brikena Selmani – Miss Grand Kosova, një nga figurat më të komentuara të bukurisë.
Lista vijon me Kristi Lamaj, këngëtar, Ilir Vrenozi, si dhe Loré, këngëtare që i bashkohet garës me eksperiencën e saj artistike. Në shtëpi hynë edhe Seno Fishta dhe Lorna Hysa, e njohur si këngëtare dhe influencuese.
Një tjetër emër që tërheq vëmendje është Mal Retkoceri, këngëtar dhe djali i Violetë Kukaj, ndërsa spektri artistik plotësohet me Xhodi Skura, aktore dhe këngëtare.
Nga ekrani televiziv në shtëpinë më të famshme hyjnë edhe Angelo Haruni, prezantues, dhe Sabina Mete, po ashtu prezantuese. Ndërkohë, dinamika e lojës pasurohet nga Selin Bollati, balerinë, Armir Tola, inxhinier ndërtimi, dhe Stine, kantautor i njohur për hitet e tij.
Produksioni ka bërë të ditur se kjo është vetëm pjesa e parë e kastit, pasi pjesa tjetër e banorëve do të futet të martën në Prime, duke lënë hapësirë për surpriza të reja dhe hyrje të papritura.
