Ish-kryetari i Partisë Demokratike, Lulzim Basha, mori pjesë sot në homazhet në nder të ish-kryeministrit të Shqipërisë dhe liderit të Partisë Socialiste, Fatos Nano.
Basha ishte i shoqëruar nga ish-deputetja demokrate, Oriola Pampuri, dhe priti në radhë për t’i dhënë lamtumirën e fundit ish-kryeministrit.Më pas, ai u fut në hollin e Pallatit të Kongreseve, ku u ndal për të nderuar arkëmortin e Nanos, duke treguar respekt për figurën historike të politikës shqiptare.
