Klub i ri, përgjegjësi më e madhe: Xhonatan Tah ka mbërritur te Bajern dhe dëshiron të udhëheqë menjëherë. “Ishte një hap jashtë zonës sime të rehatisë,” thotë qendërmbrojtësi për kalimin e tij nga Leverkusen në Mynih. Pritshmëritë te kampionët rekord janë të mëdha.
Shumëkush e sheh atë si liderin e ri të mbrojtjes. Tah e pranon sfidën, por mbetet realist: “Nuk vjen këtu dhe thua: ‘Ja ku jam, tani do marr përgjegjësi.’ Duhet të performosh, pastaj roli yt rritet me kohën. Filozofia ime është ‘të udhëheqësh përmes shembullit personal’. Nuk mund të kërkosh nga të tjerët diçka që vetë nuk e zbaton.”
Qëndrimi i Tah reflektohet edhe në dëshirën e tij për tu kujtuar jo vetëm si lojtar: “Që të kujtohem si një njeri autentik. Dikush që përpiqej të merrte përgjegjësi. Dhe që gjithmonë jepte më të mirën për Bajernin.”
