Mbi 145 zjarrfikës dhe 25 makina janë angazhuar në një operacion të gjerë për shuarjen e zjarreve në një zonë të Bashkisë së Ierapetrës, ndërsa flakët kanë dalë jashtë kontrollit.
Në ndihmë të ekipeve zjarrfikëse janë angazhuar edhe autobotet e ujit, makineritë e ndërtimit dhe banorë të zonës.
Autoritetet i bënë thirrje banorëve të vendbanimeve Ferma, Agia Fotia, Galini Achlia dhe Koutsounari të evakuohen dhe të lëvizin drejt Ierapetrës.
Zjarrfikës nga e gjithë Lasithi dhe prefekturat fqinje, vullnetarë dhe banorë po punojnë në një front që tani po shkon në mënyrë të rrezikshme drejt vendbanimit të Fermës.
Frika e përhapjes së zjarrit në zonat e banuara është tani e dukshme dhe autoritetet po u kërkojnë qytetarëve të ndjekin me përpikëri udhëzimet e evakuimit.
Zjarri shpërtheu pak pas orës 16:00, në lindje të Ierapetrës, midis Agia Fotia dhe vendbanimit Skinokapsala.
Zjarri po digjet në mënyrë të pakontrollueshme, me tymin që ka mbuluar edhe detin pranë Makrys Gialos.
