SPAK ka lexuar pretencën për dosjen “Sterilizimi”. Ku ka kërkuar 10 vite burgim për Ilir Rrapajn dhe Klodian Rrjepajn, të cilat do të konvertohen në 6 vite e 8 muaj heqje lire për secilin, nga ulja e 1/3 e dënimit.
Për Marsela Serjanajn, u kërkuan 3 vite dhe 6 muaj burgim, e cila do të konvertohet në 2 vite e 4 muaj heqje lirie, për shkak të gjykimit të shkurtuar.
Për Sajmir Kadiun 3 vite dhe 6 muaj, të konvertuar në 2 vite e 4 muaj burgim. Për Petref Mersini SPAK kërkoi që të dënohet me 3 vite e 6 muaj burgim, të konvertuar në 2 vite e 4 muaj, por kjo gjë u pezullua.
Për Arben Gjatën u kërkua 1 vit 4 muaj burgim, por dhe për të më pas u procedua me kërkesën për të dhënë 3 vite shërbim prove. Për Genc Byrazerin dhe Naile Ajazin, u kërkuan 2 vite shërbim prove për secilin.
Në hetim për dosjen “Sterilizimi” është edhe ish-ministri i Shëndetësisë Ilir Beqja, për të cilin GJKKO ka vendosur të gjykohet veçmas, në një proces normal, ndryshe nga të akuzuarit e tjerë, të cilët kanë një gjykim të shkurtuar
