Vetëm Basha dhe Alibeaj nuk kanë vjedhur vota më 11 maj; gjithë partitë e tjera me rezultat të padrejtë…
Procesi i rinumërimit të votave për Qarkun e Tiranës është mbyllur për këtë javë dhe do të rinisë të hënën. Në total janë rinumëruar 437 qendra votimi dhe rezulton se pjesa më e madhe e partive politike po dalin me humbje. Vetë PD, që dyshonte se i kishin vjedhur votat, në fakt po del partia që ka “vjedhur” më shumë vota.
Rezulton se më 11 maj, PD-së i janë shtuar 219 vota. Praktikisht ato kanë qenë të pavlefshme, por numëruesit i kanë cilësuar të rregullta. Sa u takon kandidatëve, rezulton se Ilir Alimehmeti është ai i cili ka marrë pa të drejtë më shumë vota. Atij i janë dhënë 61 vota, që për KQZ kanë qenë të pavlefshme. Ndërsa Jorida Tabaku ka përfituar pa të drejtë 22 vota.
Te PS, rezulton se i janë shtuar padrejtësisht 193 vota më 11 maj. Sa u takon kandidatëve, më shumë kanë “vjedhur” Ervin Hoxha, Xhemal Qefalia, Blendi Gonxhja apo Fatmir Xhafaj. Ata kanë marrë vota pa të drejtë.
Edhe te thuajse të gjitha forcat e tjera ka pasur grabitje votash, përveç partisë së Bashës dhe koalicionit Shehi-Alibeaj. Bashës i janë vjedhur 13 vota, ndërsa Alibeajt dhe Shehit u janë hequr 7 vota.
Me pak fjalë, procesi i rinumërimit po përfundon në një bumerang për PD-në, e cila pretendonte të merrte një mandat, por po del me rënie votash. Nga ana tjetër, tregon babëzinë në radhët e PS. /Pamfleti
Rezultati i përgjithshëm
Votat brenda PD
