Simone Inzagi i thotë lamtumirë Interit pas 4 vitesh! Mbledhja e sotme me drejtuesit e klubit zikaltër dhe me Bepe Marotan nuk ka sjellë frytet që priteshin, pasi bashkëpunimi nuk do të vazhdojë edhe një tjetër sezon.
Trajneri italian, që mori drejtimin e klubit zikaltër pas largimit të Kontes, duke fituar 1 kampionat, dy kupa Italie dhe 3 Superkupa, por duke shkuar edhe në dy finale të Champions League dhe duke pasur mesataren e pikëve më të lartë në historinë zikaltër, do të bashkohet me ekipin e Arabisë Saudite, Al-Hilal, teksa pas disa ditëve pushim do të udhëtojë në Arabinë Saudite për t’u prezantuar dhe për të përgatitur ekipin për Botëror Klubesh.
Sinjalet e orëve të fundit ishin tashmë të qarta, tani konfirmimi ka mbërritur, me takimin midis trajnerit dhe menaxherëve të zikaltërve. Pikërisht katër vjet pas ditës kur mbërritja e tij tek Interi u bë zyrtare, Inzagi i ka komunikuar klubit dëshirën për t’i dhënë fund karrierës së tij si zikaltër, përpara skadimit natyror të kontratës së caktuar për vitin 2026, dhe për të pranuar ofertën nga Al Hilal. Aventura arabe do të fillojë shumë shpejt: trajneri do të nisë një udhëtim për në Majemi këtë fundjavë, dhe është në Florida ku klubi i tij i ri do të debutojë në Kupën e Botës për Klube kundër Realit të Madridit më 18 qershor.
Vendimi i trajnerit u vendos nga zhgënjimi i fortë pas fitores 5-0 në finalen e Ligës së Kampionëve, por edhe më shumë nga ndjenja e lodhjes për një cikël që ishte gjithsesi i gjatë dhe stresues, i mbyllur me një humbje të rëndë, por edhe plot kënaqësi.
Tani fillon faza e dytë e historisë: trajneri i ri i Interit. Zgjedhja do të jetë shumë e shpejtë, edhe sepse më 11 qershor klubi zikaltër do të niset drejt Los Anxhelos për Kupën e Botës për Klube. Favoriti për stolin është Çesk Fabregas, i lidhur me kontratë me Komon, për të cilin u ndërmorën hapa disa ditë më parë, menjëherë pas ditës së fundit të kampionatit të luajtur në Komo. Në vendin e dytë është emri i De Zerbi, i cili në mëngjes u nguli pas një “asnjë klub nuk më thirri”. E vërteta do të dalë së shpejti.
