SHBA vendos zyrtarisht: Anulojmë 83% të programeve të USAID
Merret vendimi nga SHBA. Sekretari amerikan i shtetit Marco Rubio bën me dije se janë anuluar zyrtarisht 83% të programeve të USAID.
“Pas një rishikimi 6-javor, ne po anulojmë zyrtarisht 83% të programeve të USAID-it.
5200 kontratat që tani janë anuluar kanë shpenzuar dhjetëra miliarda dollarë në mënyra që nuk i shërbenin (dhe në disa raste edhe dëmtonin) interesave thelbësore kombëtare të Shteteve të Bashkuara.
Në konsultim me Kongresin, synojmë që 18% e programeve që po mbajmë (rreth 1000) të administrohen më efektivisht nën Departamentin e Shtetit.
Faleminderit DOGE dhe stafit tonë punëtor, të cilët punuan orë të gjata për të arritur këtë reformë historike dhe të vonuar”, bën me dije Marco Rubio.
