Dy punonjës të misionit diplomatik izraelik në kryeqytetin amerikan, një burrë dhe një grua, kanë humbur jetën pas një sulmi me armë zjarri në Uashington.
Ngjarja e rëndë ka ndodhur pas daljes së tyre nga një aktivitet në Muzeun Hebraik të Ushaingtonit në orën 21:05 (me orën lokale).
I dyshuari, Elias Rodriguez, 30 vjeç, nga Çikago është ndaluar nga autoritetet, teksa është parë fillimisht duke qëndruar në ambientet e jashtme të muzeut përpara se të qëllonte në drejtim të katër diplomatëve, dy prej të cilëve humbën jetën. Sipas raportimeëve në mediat e huaja, autori i ngjarjes bëriti “Palestina e lirë” pasi kreu vrasjen.
Zëdhënësja e ambasadës izraelite, Tal Naim Cohen, shkroi në rrjetin social X se: “Dy anëtarë të stafit të ambasadës izraelite u qëlluan sonte nga afër, ndërsa merrnin pjesë në një aktivitet hebraik në Muzeun Hebraik të Kryeqytetit në Uashington DC”, teksa shprehu besimin për autoritetet ligjore për zbardhjen e plotë të ngjarjes.
