Presidenti Donald Trump kërcënoi të vendosë tarifa dhe ndoshta sanksione kundër Meksikës, nëse ajo vazhdon të mos i përmbahet Traktatit të Ujit të vitit 1944, i cili garanton ujë për fermerët në Teksasin Jugor. Të dy vendet janë grindur për traktatin më parë, por mungesat e ujit të shkaktuara nga thatësira ishin më të rëndat në gati 30 vjet.
“Kjo është shumë e padrejtë dhe po i dëmton shumë keq fermerët e Teksasit Jugor”, shkroi presidenti. “Vitin e kaluar, e vetmja fabrikë sheqeri në Teksas u mbyll, sepse Meksika ka vjedhur ujin nga fermerët e Teksasit. Ted Cruz ka udhëhequr luftën për t’i dhënë Teksasit Jugor ujin që i takon, por Sleepy Joe refuzoi të lëvizte gishtin për të ndihmuar fermerët. KJO MBAROJ TANI!”
“Vetëm muajin e kaluar, unë ndalova dërgesat e ujit në Tijuana derisa Meksika të përmbahet Traktatit të Ujit të vitit 1944,” tha ai. “Sekretarja ime e Bujqësisë, Brooke Rollins, po mbron fermerët e Teksasit dhe ne do të vazhdojmë të përshkallëzojmë pasojat, duke përfshirë TARIFAT dhe, ndoshta edhe SANKSIONET, derisa Meksika të respektojë Traktatin dhe t’i japë Teksasit ujin që i detyrohet!”
Grupet e fermerëve të Teksasit paralajmëruan për një sezon katastrofik për agrumet dhe sheqerin, vitin e kaluar, ndërsa zyrtarët meksikanë dhe amerikanë u përpoqën të zgjidhnin një mosmarrëveshje mbi traktatin e ujit të vitit 1944 që furnizon fermerët amerikanë me ujë.
Industria gjysmë miliard dollarëshe e agrumeve në Teksas varet shumë nga uji nga Meksika, veçanërisht me kushtet e thatësirës që po përkeqësohen në rajon. Në fakt, Teksasi është shteti i tretë më i madh i agrumeve pas Kalifornisë dhe Floridës.
“Mungesat e vazhdueshme të Meksikës në furnizimin me ujë sipas traktatit të ndarjes së ujit të vitit 1944 po shkatërrojnë bujqësinë amerikane – veçanërisht fermerët në luginën e Rio Grande,” shkroi agjencia në X. “Si rezultat, sot për herë të parë, SHBA-të do të refuzojnë kërkesën e Meksikës jashtë traktatit për një kanal të posaçëm furnizimi për ujin e lumit Colorado që do të furnizohet në Tijuana.”
