Tensionet në Lindjen e Mesme kanë detyruar Shtetet e Bashkuara të ndërmarrin masa sigurie në Turqi, duke urdhëruar largimin e personelit jo-thelbësor nga konsullata amerikane në jug të vendit.
Sipas një njoftimi të Departamenti i Shtetit i SHBA, më 9 mars është urdhëruar evakuimi i punonjësve jo-thelbësorë dhe familjarëve të tyre nga Konsullata e Përgjithshme e SHBA në Adana për shkak të rreziqeve të sigurisë. Si pasojë, konsullata ka pezulluar përkohësisht të gjitha shërbimet konsullore.
Autoritetet amerikane u kanë bërë thirrje gjithashtu qytetarëve amerikanë që ndodhen në juglindje të Turqisë të largohen nga zona për shkak të situatës së tensionuar.
Përshkallëzimi i masave vjen pas konfliktit që shpërtheu më 28 shkurt mes Izrael dhe Iran, ku Irani ka ndërmarrë sulme me raketa dhe dronë në disa pjesë të rajonit, duke synuar edhe objektiva të lidhura me SHBA-të.
Megjithëse Turqia deri tani nuk është goditur drejtpërdrejt, në territorin e saj ndodhen disa baza me trupa amerikane, çka ka rritur shqetësimet për sigurinë.
Ndërkohë, NATO bëri të ditur se ka forcuar sistemet e mbrojtjes kundër raketave balistike, pasi një raketë e lëshuar nga Irani drejt Turqisë u interceptua nga forcat e aleancës, duke shkaktuar reagime të forta nga Ankara.
