Konflikti vazhdon. Pasi u informua verën e kaluar se nuk do t’i ofrohej një kontratë e re në këtë kohë (për shkak të detyrimit të Newcastle për t’u përmbajtur rregulloreve financiare dhe kontratës fitimprurëse të Isakut deri në vitin 2028), sulmuesi suedez thuhet se e ka bërë të qartë qëllimin e tij për t’u larguar nga Newcastle këtë verë, sipas The Athletic.
Dy javë para përfundimit të sezonit, ai madje e kishte informuar tashmë trajnerin Eddie Howe për dëshirën e tij për t’u larguar.
Duke mos luajtur asnjë ndeshje përgatitore me Newcastle, nuk ka gjasa që 25-vjeçari të jetë në fushë kundër Aston Villa këtë të shtunë, në ndeshjen e parë të Premier League.
Në fillim të gushtit, ‘Magpies’ hodhën poshtë një ofertë nga Liverpool që arrinte në 138 milionë euro, plus bonuse, pasi fillimisht donin të gjenin një zëvendësues për golashënuesin e tyre më të mirë (27 gola në 42 ndeshje këtë sezon).
Sipas mediave angleze, Reds nuk kanë bërë një ofertë të re që atëherë, ndërsa Isak thuhet se e ruan dëshirën e tij për t’u transferuar diku tjetër.
