Drejtori i CIA-s John Ratcliffe tha se sulmi i SHBA-së ndaj impiantit të pasurimit të uraniumit në Isfahan e ka kthyer programin bërthamor të Iranit me vite prapa.
Një zyrtar tha se impianti në Iran ishte unik. Donald Trump goditi 3 centrale bërthamore të Iranit, ndërsa Isfahani u “godit” me raketa Tomahawk nga një anije amerikane.
Ai shtoi se komuniteti i inteligjencës vlerëson se shumica dërrmuese e rezervave të uraniumit të pasuruar të Iranit janë nën rrënoja në Isfahan dhe Fordow, dy nga tre impiantet kryesore bërthamore që Shtetet e Bashkuara sulmuan.
Zyrtari tha gjithashtu se edhe nëse uraniumi mbetet i paprekur, humbja e impiantit të konvertimit të metaleve e ka privuar Teheranin nga aftësia për të ndërtuar një bombë bërthamore për vitet që vijnë.
