Më shumë se 500 anëtarë të stafit dhe kontraktorë janë larguar nga misioni diplomatik amerikan në Irak që nga mëngjesi i së dielës, tha një burim i njohur, duke vënë në dukje se planet për largimin ishin duke u zhvilluar që para sulmeve të SHBA-së ndaj Iranit.
Një zëdhënës i Departamentit të Shtetit konfirmoi të dielën se “personel shtesë” u largua nga Iraku të shtunën “si pjesë e përpjekjeve të vazhdueshme për të përmirësuar operacionet”.
“Këto largime përfaqësojnë një vazhdim të procesit të filluar më 12 qershor, kur ambasada nisi largimin e urdhëruar për shkak të kujdesit të tepruar dhe për shkak të tensioneve të larta rajonale. Ambasada dhe Konsullata e Përgjithshme mbeten të hapura dhe në funksionim”, tha zëdhënësi.
SHBA-ja duket se po tërheq të sa më shumë personel nga Lindja e Mesme për të minimizuar fatalitetet nëse Irani vendos që të hakmerret ndaj SHBA-së duke sulmuar pikat strategjike amerikane.
