Garda Revolucionare e Iranit ka reaguar rreth sulmeve që ka kryer kundër dhjetëra objektivave në Izrael.
Duke folur për Reuters, një zyrtar i lartë iranian tha:
“Hakmarrja jonë sapo ka filluar, ata do të paguajnë një çmim të lartë për vrasjen e komandantëve, shkencëtarëve dhe njerëzve tanë. Asgjë në Izrael nuk do të jetë e sigurt, hakmarrja jonë do të jetë e dhimbshme”.
Televizioni shtetëror iranian po raporton gjithashtu se të paktën një avion luftarak izraelit është rrëzuar nga mbrojtja ajrore dhe se piloti i tij është kapur rob.
Ndërkohë, zëdhënësi i ushtrisë izraelite hodhi poshtë si “të pabaza” pretendimet e Iranit se ka rrëzuar dy avionë luftarakë izraelitë dhe ka kapur një pilote femër.
“Media iraniane po përhap dezinformim të qëllimshëm,” deklaroi ai, duke i cilësuar lajmet si pjesë e një lufte propagandistike.
