Mbretëria e Bashkuar ka njoftuar 4 milionë paund mbështetje të re humanitare për Gazën. Sipas mediave të huaja. Qeveria thotë se paketa do të mbulojë ilaçet dhe furnizimet mjekësore thelbësore për deri në 32,000 njerëz, ujë të pijshëm të sigurt për deri në 60,000 njerëz dhe pako ushqimore për deri në 14,000 njerëz.
Paratë do t’i jepen Kryqit të Kuq Britanik për të ofruar ndihmë humanitare në Gaza përmes partnerit të tij, Shoqatës së Gjysmëhënës së Kuqe Palestineze.
Ky vendim vjen pas thirrjes së ditës së djeshme nga OKB se nëse nuk dërgoheshin ndihma humanitare urgjente brenda 48 orëve të ardhshme, rreth 14.000 foshnja në Gaza mund të humbasin jetën
Thirrja erdhi pasi David Lammy njoftoi dje sanksione të reja që godisnin kolonët e dhunshëm në Bregun Perëndimor, ndaloi negociatat e marrëveshjes së tregtisë së lirë me Izraelin dhe i quajti veprimet e Izraelit “të shëmtuara” dhe “të patolerueshme”.
Duke njoftuar paketën, Jenny Chapman, ministrja e zhvillimit, tha: “Mbretëria e Bashkuar është e qartë Izraeli nuk do të arrijë siguri duke zgjatur vuajtjet e popullit palestinez”.
